Minister for Finance

1981ല്‍ പുനലൂര്‍ എസ്.എന്‍. കോളേജിലെ ബിരുദപഠനത്തിനിടെ കാര്‍ട്ടൂണ്‍ ക്ലബ്ബ് സെക്രട്ടറിയായാണ് ശ്രീ കെ. എന്‍. ബാലഗോപാലിന്റെ പൊതുജീവിതത്തിന്റെ തുടക്കം. മാഗസിന്‍ എഡിറ്ററും പിന്നീട് കോളേജിലെ ചെയര്‍പേഴ്‌സണുമായ അദ്ദേഹം എസ്.എഫ്.ഐ. പുനലൂര്‍ ഏരിയ പ്രസിഡന്റ്, തിരുവനന്തപുരം എം.ജി. കോളേജ് യൂണിയന്‍ ചെയര്‍പേഴ്‌സണ്‍ എസ്.എഫ്.ഐ കൊല്ലം ജില്ല പ്രസിഡന്റ്, സെക്രട്ടറി, കേരള സര്‍വകലാശാല സിന്‍ഡിക്കേറ്റിലെ വിദ്യാര്‍ത്ഥി പ്രതിനിധി, എസ്.എഫ്.ഐ. സംസ്ഥാന പ്രസിഡന്റ്, സംസ്ഥാന സെക്രട്ടറി, അഖിലേന്ത്യാ പ്രസിഡന്റ്, ഡി.വൈ.എഫ്. അഖിലേന്ത്യാ പ്രസിഡന്റ് എന്നീ ചുമതലകള്‍ വഹിച്ചു. മുന്‍ മുഖ്യമന്ത്രി വി.എസ്.അച്യുതാനന്ദന്റെ പൊളിറ്റിക്കല്‍ സെക്രട്ടറിയായും സിപിഐഎം കൊല്ലം ജില്ല സെക്രട്ടറിയായും രാജ്യസഭാംഗമായും ശ്രീ ബാലഗോപാല്‍ പ്രവര്‍ത്തിച്ചിട്ടുണ്ട്.